Како дел од проектот на УСАИД за вакцинација против КОВИД-19 од 2023 година,
Светска Здравствена Организација има за цел да обезбеди континуитет во обука
на здравствените работници за КОВИД-19 и редовната задолжителна вакцинација
на деца.
Во рамките на соработката помеѓу Медицински факултет, Центар за семејна
медицина, Националната комисија за имунизација, Министерството за Здравство
и Канцеларијата на Светската Здравствена Организација во Скопје, а во рамките
на проектот финансиран од УСАИД: „Експертска поддршка за континуирана
имплементација на националните упатства и СОП развиени во 2022 година и
обука на здравствени работници и волонтери кои обезбедуваат COVID-19 и други
вакцини во сите точки на вакцинација “ ги покануваме сите здравствени работници
кои се вклучени во процесот на имунизација (Здравствени домови, Општи
болници со проширена дејност и Центри за јавно здравје/Подрачни единици) на
работилница:
„НАЦИОНАЛНИ УПАТСТВА И СТАНДАРДНИ ОПЕРАТИВНИ ПРОЦЕДУРИ ЗА ИМУНИЗАЦИЈА“
Цели на овие работилници се: да се освежат знаењета на здравствените
работници за СОП-овите за Ковид-19 вакцинација и задолжителна имунизација и
за контрола на инфекција и превенција, да се подобрат вештините за евиденција
и пријавување на несакани настани по имунизација и да се подобрат вештините за
ефикасна комуникација со поединци за КОВИД-19 вакцинација и задолжителна
имунизација на деца.
Работилницата ќе се одржи со физичко присуство, од 11.30 до 15.00 часот во
период септември-декември во 6 градови низ Република Северна Македонија.
На работилницата може да се пријават и вашите медицински сестри со кои
работите во тим за имунизација.
*Бројот на лица по термин е ограничен и заземањето на истите е по
принципот на редослед на пријавување. ИМАТЕ МОЖНОСТ ДА СЕ ОТКАЖЕТЕ
ДОКОЛКУ НЕ СТЕ ВО МОЖНОСТ ДА ДОЈДЕТЕ.
*Обуката е акредитирана од Лекарска комора на Р. Македонија.
*Сертификати ќе бидат врачени само на учесниците коишто целосно ќе ја следат обуката.
Со почит,
Проф д-р Катарина Ставриќ